Bjarni og Guðlaugur í liði 21. umferðar skv. Morgunblaðinu

Morgunblaðið hefur haft þann sið í vetur að velja lið hverrar umferðar í N1 deild karla. Í blaðinu í dag er birt val blaðsins eftir lokaumferð deildarinnar. Líkt og svo oft áður þá er Bjarni Fritzson valinn besti hægri hornamaður umferðarinnar og er það í tólfta sinn sem Bjarni er valinn í lið umferðarinnar.

Guðlaugur Arnarsson er einnig valinn bestri varnarmaður umferðarinnar og er það í fjórða sinn í vetur.

Annars er lið 21. umferðarinnar þannig skipað að áliti Morgunblaðsins:

Markvörður: Birkir Ívar Guðmundsson, Haukum (3. sinn)
Vinstri hornamaður: Sturla Ásgeirsson, Val (3. sinn)
Vinstri skytta: Andri Berg Haraldsson, FH (1. sinn)
Leikstjórnandi: Hrafn Ingvarsson, Aftureldingu (1. sinn)
Línumaður: Atli Rúnar Steinþórsson, FH (2. sinn)
Hægri skytta: Tandri Konráðsson, HK (2. sinn)
Hægri hornamaður: Bjarni Fritzson, Akureyri Handboltafélag (12. sinn)
Varnarmaður: Guðlaugur Arnarsson, Akureyri Handboltafélag (4. sinn)

Við óskum öllum þessum leikmönnum til hamingju með viðurkenningar sínar.

Tölfræði Morgunblaðsins í lok N1 deildarinnar 2011-2012
Þá birtir Morgunblaðið í leiðinni yfirlit yfir markahæstu leikmenn N1 deildarinnar tímabilið 2011-2012. Þar er Bjarni Fritzson einmitt markakóngur með 163 mörk, Oddur Gretarsson í 9. sæti með 103 mörk, Guðmundur Hólmar Helgason í 15. sæti með 78 mörk og Geir Guðmundsson í 17.-18. sæti með 71 mark.

Samkvæmt bókhaldi Morgunblaðsins er Sveinbjörn Pétursson með næstflest varin skot í deildinni, 317 vörslur en Hlynur Morthens markvörður Vals er með flestar vörslur aða 324.

Þá kemur fram að Haukar eru það lið sem fékk flestar brottvísanir í deildinni en samtals voru leikmenn Hauka reknir útaf í 176 mínútur, þar er Akureyri í 3.-4. sæti en leikmenn liðsins voru utanvallar í 146 mínútur. Hins vegar eiga leikmenn Akureyrar þann vafasama titil að hafa oftast fengið að líta rauða spjaldið á leiktíðinni eða fimm sinnum samtals.

Listi Morgunblaðsins er sem hér segir: