Frábær sigur gegn Haukum!


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Rúnar gaf það fordæmi sem Akureyri fylgdi í dag!		24. mars 2007 - SÁ skrifar Frábær sigur gegn Haukum! Núna rétt í þessu var Akureyri að vinna gríðarlega þýðingarmikinn sigur á Haukum. Sigur þessi var einhver sá mesti karaktersigur sem undirritaður hefur séð. Eftir að hafa verið undir 15-13 í hálfleik og svo 25-22 þá steig Akureyri upp og vann 27-28. Gríðarlega mikilvægur sigur sem styrkir stöðu Akureyrar mikið í deildinni en ekkert er tryggt og öruggt á þessum punkti. Akureyri kom nokkuð á óvart með að byrja í 3-2-1 vörn og skilaði það miklu framan af en liðið komst í 4-6 og 6-7 með góðri vörn, flottri markvörslu og fjölmörgum hraðaupphlaupum. Þá breytir liðið í sína hefðbundnu 6-0 vörn. Akureyri kemst í 8-11 og fór Nikolaj Jankovic mikinn á þeim tíma. Þá taka Haukar leikhlé og breyta leik sínum mikið en einungis sjö mínútum síðar var staðan orðin 14-12 þeim í vil. Í hálfleik var staðan svo 15-13 fyrir Haukum. Svipað var svo uppi á teningunum í seinni hálfleik og héldu Haukar forystunni. Þeir fara í 19-16. Akureyri kemur þá með áhlaup og jafnar í 20-20 en það var sjálfur Rúnar Sigtryggsson sem jafnaði í 20-20 en hafði verið drjúgur fram að þessum tíma. Adam var ekki lengi í paradís og fara Haukar í 23-20 og svo 25-22 þegar einungis 8 mínútur voru eftir og leikurinn nánast úti. Þrátt fyrir þetta vonleysi þá misstu leikmenn Akureyrar aldrei trúna og héldu áfram. Andri Snær fær hraðaupphlaup og skýtur í stöng, það var svo Rúnar Sigtryggs sem tekur frákastið og skorar með einhverjum mesta vilja sem ég hef séð. Þetta fordæmi hjá þjálfarunum sagði mönnum að gefa allt í þetta, það gerðu þeir. Akureyri fór í 5-1 vörn með Rúnar fyrir framan og áttu heimamenn ekki séns. Magnús minnkar muninn í 25-24, Goran fiskaði svo og skoraði úr víti og leikurinn orðin jafn, þökk sé frábærri vörn. Magnús kemur okkur svo yfir í 25-26 og skorar Rúnar svo næsta mark, 25-27 og kemur Akureyri í ansi góða stöðu. Haukar minnka muninn en Þorvaldur Þorvaldsson gulltryggir svo sigur Akureyrar með 28. markinu en lokatölur urðu svo 27-28 sigur Akureyrar. Leikmenn Akureyrar sigruðust á mótlætinu og stigu svo sannarlega upp þegar mest á reyndi. Staðan var 25-22 þegar 8 mínútur voru eftir en Akureyri klárar leikinn með 6-2 lokakafla. Enn einn karakterinn sem Akureyri sýnir í vetur og klárlega sá mikilvægasti. Það að sýna þennan karakter er gríðarlega virðingarvert og tek ég gríðarlega ofan fyrir leikmönnum Akureyrar í dag sem gerðu nákvæmlega það sem toppmenn gera. Rúnar Sigtryggsson var ákaflega þýðingarmikill í dag. Oft hefur undirritaður verið ákaflega ósáttur með hve mikið Rúnar spilar sókn og ansi óánægður með hann. En í dag var hann besti maður liðsins. Hann var frábær í vörn og enn betri í sókn. Hann stjórnaði leik liðsins ótrúlega og átti ansi mörg mörk liðsins í seinni hálfleik en hann skoraði þrjú og átti 5-6 stoðsendingar í seinni hálfleiknum einum. Hann hreinlega vann þennan leik Aðrir leikmenn stóðu sig með prýði. Hreiðar varði frábærlega og var Magnús drjúgur í leiknum og mjög í restina. Einar Logi kom með afar þýðingarmikil mörk í lokin og Nikolaj var afar öflugur í byrjun. Vörnin skilaði sínu í restina með því að smella eftirminnilega en lengi vel vantaði aðeins upp á en það skiptir engu núna. En þetta var sigur liðsheildarinnar og karakterins og nákvæmlega það sem maður hefur viljað sjá hjá Akureyri í ansi langan tíma. Menn eru svo sannarlega á lífi og sýndu það í dag. Það er svo bara að halda þessu áfram og klára þessa deild af krafti en ef liðið spilar svo þá getur það unnið hverja sem er, ekki bara heima heldur einnig úti. Takk fyrir mig. Stefán Árnason
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson