Eins marks tap gegn Haukum í Hafnarfirði


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Við veljum Sigþór mann leiksins að þessu sinni		21. september 2014 - Akureyri handboltafélag skrifar Eins marks tap gegn Haukum í Hafnarfirði Eftir magnaðan leik í fyrri hálfleik mátti Akureyrarliðið sætta sig við eins marks tap gegn Haukum í dag. Akureyrarliðið gat ekki teflt fram skyttunni Brynjari Hólm Grétarssyni sem varð fyrir því að snúa ökkla á æfingu í gær. Það kom svo í ljós í upphituninni að Brynjar væri ekki klár í leikinn og tók Ingimundur Ingimundarson stöðu hans í sóknarleiknum. Ingimundur tók fullan þátt í sókninni og skoraði þrjú mörk Akureyri hóf leikinn af miklum krafti og skoraði fyrstu þrjú mörk leiksins. Akureyri var mun sterkari aðilinn í fyrri hálfleik og leiddi lengst af með þrem til fjórum mörkum. Vörnin var frábær og sóknin gekk smurt. Sigþór Árni Heimisson lék á alls oddi og skoraði fimm mörk í fyrri hálfleiknum. Sigþór Árni lék Haukavörnina grátt í fyrri hálfleiknum Hjá Haukum var Árni Steinn Steinþórsson nánast sá eini sem fann glufur á vörn Akureyrar og skoraði sex mörk. En staðan í hálfleik var 12-15 fyrir Akureyri. Þrándur Gíslason skoraði fyrsta mark seinni hálfleiksins en í kjölfarið komust Haukar heldur betur inn í leikinn með næstu fjórum mörkum og náðu forystunni í fysta sinn í leiknum 17-16. Jafnt var á næstu tölum upp í 19-19 en Haukar náðu í kjölfarið forystu sem varð mest þrjú mörk, 24-21 en með seiglu tókst að vinna hana niður í eitt mark 24-23. Akureyri vann boltann þegar 10 sekúndur voru til leiksloka en sá tími dugði ekki til og fögnuðu Haukar því eins marks sigri. Óhætt er að segja að þetta hafi verið súrt eftir frábæran fyrri hálfleik. Sóknarleikurinn í seinni hálfleik hökti dálítið og alltof mörg mistök gerð. Þannig töpuðust tíu boltar í seinni hálfleiknum einum og munar um minna. Varnarleikurinn var yfirhöfuð góður, Tomas fann sig þó ekki í markinu en Bjarki Símonarson átti ágæta innkomu undir lok leiksins. Vörn gegn Adam Hauki Baumruk. Myndir: sport.is Mörk Akureyrar: Kristján Orri Jóhannsson 7 (4 úr vítum), Sigþór Heimisson 6, Ingimundur Ingimundarson 3, Andri Snær Stefánsson, Heiðar Þór Aðalsteinsson og Þrándur Gíslason 2 hver, Elías Már Halldórsson 1 mark. Tomas Olason og Bjarki Símonarson vörðu fimm skot hvor. Mörk Hauka: Adam Haukur Baumruk 7 Árni Steinn 6 (1 úr víti), Heimir Óli Heimisson 4, Tjörvi Þorgeirsson 2, Þröstur Þráinsson, Jón Þorbjörn Jóhannsson, Leonharð Þorgeir Harðarson, Einar Pétur Pétursson og Egill Eiríksson 1 mark hver. Giedrius Morkunas varði 8 skot og Grétar Ari Guðjónsson 1. Næsti leikur Akureyrar er heimaleikur gegn Stjörnunni næstkomandi fimmtudag klukkan 19:00.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson