Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Hannes og Einar Þorvarðarson

18. september 2012 - Akureyri handboltafélag skrifar

Fjölmenni á leikmannakynningu - myndir

Það var mikið fjölmenni samankomið í Íþróttahöllinni í gærkvöldi á kynningarkvöldi Akureyrar Handboltafélags fyrir komandi leiktímabil.


Það var þétt setið á kynningarfundinum

Hannes Karlsson, formaður hóf kvöldið með því að fara yfir ýmislegt sem er á döfinni. Hannes fór yfir rekstur síðasta almannaksárs og kom fram að veltan það árið var um 35 milljónir og rekstrarafgangur tæpar 5 milljónir. Búast má við að veltan aukist þetta árið þar sem flestir kostnaðarliðir hækka, t.d. hefur hækkun flugfargjalda veruleg áhrif á reksturinn.

Nú er komið í ljós að allir útileikir okkar fara hefjast klukkan 18:00 sem er hálftíma fyrr en undanfarin ár. Nú er búið að setja upp nýja stúku í Íþróttahöllinni sem gerir það að verkum að bæði fjölgar sætum um ca 400 auk þess sem það býður upp á að áhorfendur verða í miklu nánari snertingu við leikinn og stemmingin í Höllinni væntanlega enn magnaðri en nokkru sinni.

Hannes fór yfir nýungar varðandi stuðningsmannaskírteinin og útskýrði muninn á Gull- og Silfurkortum sem nú eru í boði.

Þá ítrekaði Hannes fjáröflunarátakið sem er í gangi núna og felst í því að valkvæði greiðslubeiðni að upphæð 1.500.- krónur birtist í heimabanka flestra Akureyringa.

Þá minnti Hannes á heimasíðu félagsins og greindi frá þeim nýjungum að á allra næstu dögum opnar sérstök útgáfa hennar sem er sniðin að snjallsímum og slíkum tækjum. Þá var greint frá því að búið er að opna Facebook síðu og er þess vænst að með þessum auknu þjónustum verði enn auðveldara fyrir stuðningsmenn að fylgjast með því sem er á döfinni.


Hannes flytur mál sitt

Næst á dagskrá var erindi Einars Þorvarðarsonar, framkvæmdastjóra HSÍ. Einar kynnti starfsemi HSÍ, verkefni landsliða Íslands. Ýmiss áhugaverð stefnumál varðandi uppbyggingu landsliðanna og tengsl við félögin.


Einar Þorvarðarson kynnir starfsemi HSÍ

Þá greindi Einar frá nokkrum breytingum sem varðandi framkvæmd leikja meistaraflokks í vetur. Þar má t.d. nefna að nú geta lið tekið allt að þrjú leikhlé í hverjum leik. Hingað til hafa liðin getað tekið eitt hlé í hvorum hálfleik en eftir breytinguna geta þjálfarar tekið tvö leikhlé í fyrri hálfleik en eiga þá aðeins eitt í seinni hálfleik. Ef þessi tvö eru ekki tekin í fyrri hálfleik þá er heimit að taka tvö í seinni hálfleik en þá verður líka að taka annað þeirra á fyrstu 25 mínútum hálfleiksins. Það er sem sé ekki hægt að taka tvö leikhlé á síðustu 5 mínútum leiksins.
Önnur breyting felst í því að nú verður ekki heimilt að breyta leikskýrslu eftir að leikurinn er hafinn. Hingað til hafa þjálfarar getað lagt fram „opna skýrslu“ sem þýðir að ekki voru tilgreindir 14 leikmenn eins og til er ætlast heldur var hægt að bæta leikmanni á skýrsluna eftir því hvernig hann leikurinn þróaðist. Eflaust muna ýmsir eftir þessu hér í Höllinni en Atli Hilmarsson beitti þessari heimild grimmt undanfarin tvö ár.
Einar svaraði jafnframt fyrirspurnum úr sal m.a. um sjónvarpsmál og kunnum við honum bestu þakkir fyrir komuna norður.

Þjálfarar meistaraflokks, þeir Bjarni Fritzson og Heimir Örn Árnason gerðu grein fyrir æfingum sumarsins og undirbúningstímabilinu áður en eiginleg leikmannakynning hófst. Heimir fór á kostum í kynningum á einstökum leikmönnum og óhætt að segja að gerður hafi verið góður rómur að kynningunni.


Bjarni og Heimir kynna sína menn


Leikmannahópurinn

Að lokum stigu fram þjálfarar 2. flokks en þeir eru tveir, Guðlaugur Arnarsson og Jóhann Gunnar Jóhannsson. Jóhann er reyndar í endurhæfingu eftir aðgerð og hefur Guðmundur Hermannsson verið Gulla til aðstoðar á æfingum í forföllum Jóhanns. Starfið hjá 2. flokki er mjög blómlegt, á milli 40 og 50 strákar eru að æfa og verðum við með lið í 1. og 2. deild í vetur.

Leikjaniðurröðun er ekki komin á hreint en vonast er til að hægt verði að samhæfa heimaleiki þeirra þannig að bæði lið spili á sömu dögum og þá verði sannkallaðar handboltaveislur 2. flokks í Höllinni. Gert er ráð fyrir að frítt verði á leiki 2. flokks en veitingasala verði opin.


Guðlaugur og Jóhann Gunnar kynna málefni 2. flokks

Þar með lauk velheppnaðri kynningu og greinilegt að mikill áhugi er meðal stuðningsmanna á komandi vetri og ljóst að það verður meiriháttar stemming í Höllinni mánudaginn 24. september þegar FH kemur í heimsókn.

Skoða fleiri myndir Þóris Tryggvasonar frá kynningunni.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson