Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Skeggið farið eftir baráttusigur gegn ÍR





20. mars 2007 - SÁ skrifar 

Nýrakaðir og með lífsmarki

Það var þónokkuð annað að sjá leikmenn Akureyrar á æfingu í dag og voru sumir þeirra nánast óþekkjanlegir en skegg manna var allt horfið. Ákveðið hafði verið að leikmenn myndu ekki raka sig fyrr en næsti sigurleikur kæmi og var skeggið því látið fjúka strax eftir sunnudaginn. Hörður Fannar línumaður hafði nánast skipt um ham með rakstri sínum og sagði: "Menn eru léttara á sér eftir raksturinn, nær óþekkjanlegir, þetta er bara nýtt lið!"

Ansi létt virtist yfir hópnum og greinilega þungu fargi af mönnum létt með því að ná loksins að sigra. Það sem bar hvað mest á var að liðið er enn með lífsmarki og greinilegt tilbúið í komandi átök. "Það er léttara yfir mönnum þó það hafi aldrei verið neitt sérstaklega þungt" sagði Hörður Fannar sem var sáttur við margt í ÍR-leiknum. "Þetta er búið að vera brösulegt hjá okkur eftir áramót en núna er vörnin komin í gang og þá getum við unnið alla. Þó að sóknin sé eitthvað hálfslöpp þá berjumst við í vörninni." Þorvaldur Þorvaldsson bætti svo við að liðið hefði verið mjög vel stemmt og sagði "sigurleikurinn á móti ÍR var kærkominn. Vörnin small loksins og markvarslan en það má laga sóknina."

Hin ótrúlega barátta Akureyrar sem einkenndi liðið fyrir áramót var kominn aftur og sést það langar leiðir að þegar menn eru að henda sér á bolta þá getur liðinu ekki gengið illa. "Þetta var týpískur leikur þar sem mikið var í húfi og handboltagæðin voru lögð svolítið til hliðar. Baráttan var í fyrirrúmi og vel tekið á því" sagði Andri Snær Stefánsson sem lét sitt ekki eftir liggja í því eins og allt liðið. Menn virðast hafa fundið aftur þessa baráttu sem vann hvern leikinn á fætur öðrum fyrir jól og verða halda áfram að nota hana sem aðalstyrk.

Aigars Lazdins, sem kom inn og átti gríðarlega stóran þátt í að vinna leikinn gegn ÍR um helgina, var á því að liðið hafi öðlast mun meira sjálfstraust með sigrinum á ÍR. "Við höfum ekki verið að standa okkur nógu vel að undanförnu og það er skrítið að vera alltaf að tapa. Menn fara að hugsa að þeir gætu spilað illa en með þessum sigri fengum við sjálfstraust og mun það hjálpa okkur."

Um komandi helgi mætir liðið Haukum í öðrum leik sem hreinlega öllu skiptir en sá leikur verður í beinni útsendingunni í Sjónvarpinu næstkomandi laugardag. Ljóst er að ætli liðið sér að halda sér uppi verða þeir að halda áfram líkt og þeir gerðu um helgina. Nái liðið að vinna um helgina er staðan orðin ansi vænleg. "Ef við spilum Haukaleikinn eins og við gerðum á móti ÍR hef ég engar áhyggjur af þessu," sagði Andri Snær og stórskyttan Magnús Stefánsson tók í sama streng: "Þetta er spurning hvort við náum að skilja okkur frá botnliðunum og koma okkur í þægilega stöðu eða hvort við förum að hjakkast í sama farinu. Við vitum hvað við getum farið langt á baráttunni og ég hef fulla trú á sigri."

Heimasíðan minnir á stórleikinn um næstu helgi gegn Haukum sem verður í beinni útsendingu á Rúv klukkan 16:15 næstkomandi laugardag.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson