Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Tap gegn Val staðreynd

5. mars 2007 - SÁ skrifar 

Tap gegn Val (umfjöllun)

Akureyri fór suður í afar erfiðan útileik gegn toppliði Vals í gær. Eftir slæmt gengi að undanförnu var útilitið ekki bjart og hvað þá þegar kom í ljós að Magnús Stefánsson og Goran Gusic höfðu bæst við lista þeirra sem ekki gátu spilað leikinn en báðir voru meiddir. Valsmenn voru betri og unnu 32-28 sigur í leik þar sem mikill batamerki sáust þó á liði Akureyrar.

Akureyri byrjaði leikinn betur og leiddi 0-2 eftir sjö mínútna leik. Þá fór Valsvélin í gang en með fjölda hraðaupphlaupa komast þeir í 7-2. Á þeim tíma voru Akureyringar alltof seinir til baka og náði Valur þarna forystu sem átti eftir að vera undirstaða þeirra sigurs í leiknum. Akureyri sýndi karakter í þessum leik og klóraði alltaf í bakkann þegar þeir lentu í mótlæti. Þeir minnka í 8-6 en Akureyri komst aldrei nær Val en tvö mörk.

Þegar svo rúmar 5 mínútur voru eftir af hálfleiknum var staðan 11-9 fyrir Val og Akureyri í fínum málum þrátt fyrir að hafa verið að klikka dauðafærum og annað. Eins og svo oft áður tapaði Akureyri þessum lokamínútum í fyrri hálfleik og staðan 15-10 fyrir Val í hálfleik.

Í seinni hálfleik byrjar Valur á að setja tvö fyrstu mörkin og var þá eins og trú manna á verkefninu hyrfi. Valsmenn ná tíu marka forskoti sem Akureyri svaraði reyndar vel og lauk leiknum með 32-28 sigri Vals.

Mikil batamerki voru á spilamennsku Akureyrar en það fyrsta var að menn voru farnir að berjast og það vel. Liðið lenti hins vegar í Valsliðinu á algjörum toppdegi í gær og á meðan Akureyri var að klikka dauðafærum var Valur að nýta sín. Þá var Valur að fá ódýr hraðaupphlaupsmörk á meðan Akureyri var að hafa gríðarlega fyrir hverju marki. Það var það sem kom Val í þessa stöðu í hálfleik.

Akureyri vantaði sárlega skyttu vinstra megin í leiknum og ógnina sem Magnús hefur verið að skapa. Valsmenn spiluðu í staðinn aftarlega á Akureyri og lokuðu á línusendingar og gabbhreyfingar sem gerði Akureyri afar erfitt fyrir. Aigars lék vel í leiknum og var að skapa mikinn usla. Ótrúlegt er hins vegar hvað varnarmenn fá að gera gagnvart honum en hann er klárlega eini leikmaður deildarinnar sem má taka stífum hálstökum og annað, sem er fáránlegt og á ekki að vera þrátt fyrir að hann sé ekki eins fljótur og aðrir. Ásbjörn spilaði betur eftir því sem á leið en vantaði aðeins meiri kraft og ákveðni. Hann komst þó nokkuð vel frá sínu og þarf að auka kraftinn fyrir næsta leik. Þá kom Einar Logi upp í þessum leik og skoraði mörg afar góð mörk. Skot hans fyrir utan fóru að hitta afar vel og kom þessi ógn sem maður væntir frá honum. Loks má kannski minnast á frábæran varnarleik Nikolaj Jankovic í dag.

Næsti leikur er eftir tæpar tvær vikur. Akureyri hefur nú eitthvað að byggja á en baráttan virðist vera að koma núna. Leikurinn gegn ÍR skiptir hreinlega öllu máli og verða menn að fara að gíra sig inn á það verkefni þegar í stað. Vonum að uppgangurinn haldi áfram og verði í hámarki í þessum úrslitaleik.

Maður leiksins: Aigars Lazdins
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson