Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan




    Fréttir                       Þú flettir milli frétta með örvalyklunum eða smellir á bláu örvarnar! 

Goran og félagar lágu í Kópavogi í dag

26. febrúar 2007 - SÁ skrifar 

Akureyri tapar fyrir HK (umfjöllun)

Akureyri fór ekki góða ferð suður í gær er liðið mætti HK í 14. umferð DHL-Deildarinnar. Fyrir leikinn hafði Akureyri tapað tveimur leikjum og þurfti á góðum leik að halda. Þrátt fyrir góða byrjun steinlág Akureyri 31-23 eftir að hafa verið mest þrettán mörkum undir í leiknum.

Akureyri byrjaði leikinn betur og komst í 2-4. HK-menn var hins vegar fljótir að jafna í 4-4. Jafnræði var svo með liðunum næstu mínútur en eftir 15 mínútur leiðir Akureyri 7-8. HK skorar næstu fimm mörk og fer 12-8 yfir. Þeir halda svo áfram að valta yfir Akureyri og leiðir HK 15-10 í hálfleik en HK vann seinasta korterið í fyrri hálfleik 8-2 og mega lið hreinlega ekki eiga svoleiðis kafla. Þá klikkaði Akureyri heilum fjórum vítum í fyrri hálfleik og geta lið einfaldlega ekki haldið jöfnum leik með svoleiðis nýtingu en það segir sig sjálft að leikurinn hefði verið hnífjafn hefðu okkar menn nýtt þessi auðveldustu færi leiksins.

Í seinni hálfleik var aldrei séns fyrir Akureyri en ekki einn einasti maður virtist hafa trú á því að liðið gæti komist aftur inn í leikinn. HK fer í 20-12 Þeir halda svo áfram og komast í þrettán marka forystu 27-14 en Akureyringar voru þá hreinlega hættir og má það ekki þó úrslitin séu ljós. Þó var einn maður sem var að reyna, Magnús Stefánsson, en hann skoraði 10 af 13 mörkum liðsins í síðari hálfleik. Leiknum lauk svo með 31-23 sigri HK eftir að Akureyri eða Magnús öllu heldur hafði klórað aðeins í bakkann í restina.

Leikurinn var hreint ekki góður og skelfing að Akureyri hafi ekki getað verið lengur inni í þessum leik. Fyrstu 15 mínúturnar varði Hreiðar Levý fullt af dauðafærum og var Akureyri þess vegna yfir. Þá fer liðið að missa tökin á leiknum þegar þeir klikka þessum fjórum vítum í fyrri hálfleik en liðið klikkaði fyrstu fimm vítaköstum sínum í leiknum. Það segir sig sjálft að þú vinnur aldrei handbolta leiki þannig.

Magnús Stefánsson var sá eini sem komst vel frá sínu en hann var yfirburðarmaður í liði Akureyrar. Hann var eins og áður sagði eini leikmaður liðsins sem hélt áfram út leikinn og er það virðingarvert. Hreiðar Levý varði mjög vel í fyrri hálfleik þrátt fyrir litla sem enga vörn en hélt skiljanlega ekki mikið lengur út. Aðrir leikmenn liðsins voru hreinlega daprir. Sóknin slök en menn sækja endalaust inn á miðju og er hraði sóknarinnar ólöglega lágur. Vörnin var lítið skárri og verður þetta fyrrum frábæra varnarlið að fara að gera eitthvað í sínum málum.

Það er nú tæp vika í næsta leik sem er gegn Val en það getur varla verið gaman að spila handbolta svona. Vonum innilega að Akureyri rífi sig upp og fari að spila alvöru bolta.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson